Presentasjon av ungdomsbedrifter

Ungt Entreprenørskap Sogn og Fjordane, Skatteetaten og LO Sogn og Fjordane inviterer alle ungdomsbedrifter og ansvarlege lærarar til fagdag med tema skatt, samarbeid mot svart økonomi og rettar / plikter i arbeidslivet. I kombinasjon med dette vil ungdomsbedriftene få høve til å presentere seg for styret og administrasjonen i UE Sogn og Fjordane. Luster vidaregåande skule har den glede å invitera Dykk til UB - presentasjon på Eikum Hotel 10. februar kl.12.45

Da Luster vidaregåande skule har 6 ungdomsbedrifter dette skuleåret er ub - presentasjonen for Sogndal vidaregåande skule og Luster vidaregåande skule lagt til Luster, nærare bestemt Hafslo. Ungdomsbedrifta skal presentera sin forretningsidé og korleis det er å driva bedrift. Dette er eit ledd i vurderinga og konkurransen som skal skje på UB –messa på Eid 11. mars.

På fylkesmessa er det 11 klassar kvar ungdomsbedrift kan konkurrera i:

1. Beste marknadsføringstiltak

2. Beste utstilling

3. Beste produkt (med verdiskapingspotensiale)

4. Beste teneste

5. Beste innovative produkt/idé

6. Beste ungdomsbedrift

7. Beste ”grøne” bedrift

8. Beste lokalsamfunnsprosjekt

9. Beste internasjonale prosjekt

10. Beste rekneskap

11. Publikumsprisen

Klasse 6, 7 og 11 deltek alle ungdomsbedriftene i og så kan ungdomsbedrifta melda seg på dei andre klassane.

Luster vidaregåande skule har den glede å invitera Dykk til UB - presentasjon på Eikum Hotel 10. februar kl.12.45