Skulen er godt i gang når det gjeld internasjonalisering i form av formelt samarbeid med andre land. Vi har no 3 partnerskapsskular som vi har oppretta kontakt med og møtt; ein skule i Utena i Litauen, ein i Daugavpils i Latvia og ein skule i Zambia.

Vi har allereie hatt eit Leonardo elevutvekslingsprosjekt; 6 kokkeelevar og -lærlingar var utplasserte 3 veker i Litauen våren 2006, mens 10 elevar frå Litauen var utplasserte hos oss. I februar 2007 hadde vi besøk av tre lærarar frå Latvia, som deltok i eit Leonardo lærarutvekslingsprosjekt.

Internasjonalisering er eit prioritert område både for Fylkeskommunen og for oss ved Luster vidaregåande skule, og for elevane vil det vere både spennande og svært nyttig om dei kan få t.d. utplasseringar i andre land. Forutan elevutveksling, kan internasjonalt samarbeid gjelde lærarhospitering, skuleutviklingsprosjekt, faglege samarbeidsprosjekt mellom klassar i forskjellige land m.m.

 Information in English